1.

Bíblian fortelur okkum øllum at menniskjuni treingja

til Guds fyrigeving og frelsu. Hon fortelur okkum at

vit hava vent frá Gudi, sum skapti okkum, og at vit

ofta liva eitt lív ímóti Guds vilja.

Róm.: 3:23

”Øll hava syndað, og teimum fattast dýrd Guds”

2.

Um vit venda okkum til Gud, og taka ímóti hansara

frelsu, vilja vit uppliva tað størsta, sum kann henda

okkum: Blíva frelst, og verða Guds børn restina av

lívinum á jørðini, og fyri allar ævir. Um vit ikki venda

um til Gud, og taka ímóti hansara frelsu, fortapast vit.

Róm. 6:23

”Tí lønin, ið syndin gevur er deyði, men náðigáva Guds er ævigt lív í Kristi Jesusi, Harra okkara”

3.

Vit skuldu í roynd og veru bøtt fyri syndir okkara,

men Gud bøtti okkara vegna,við at senda son sín Jesus.

Róm. 5:8

”Men Gud vísir kærleika Sín til okkara við, at Kristus

doyði fyri okkum, meðan vit enn vóru syndarar”

4.

Gud gjørdi hetta, tí hann elskaði okkum, og vildi  ikki

at vit skuldu fortapast.

Jóh. 3:16

”Tí so elskaði Gud heimin, at Hann gav Son Sín,

hin einborna, fyri at hvør tann, ið trýr á Hann, skal ikki fortapast, men hava ævigt lív.

5.

At verða frelstur merkir at ein játtar syndir sínar.

Tú sigur við Gud: Gud, eg kann ikki meira, eg havi

syndað, og má hava tína fyrigeving. Fyri Jesusar skuld

vilt tú fyrigeva mær alt tað ónda eg havi gjørt ímóti tær,

og øðrum menniskjum. Bíblian sigur tá, at Gud fyrigevur

tær alt.

1. Jóh. 1:9

”Játta vit syndir okkara, er Hann trúfastur og rættvísur,

so Hann fyrigevur okkum syndirnar og reinsar okkum

frá allari órættvísi”

6.

Hetta at verða føddur av nýggjum, er at tað gamla lívið

er farið, og byrjað verður eitt nýtt lív saman við Jesus.

At fara frá tí gamla lívinum, merkir eisini, at biðja

menniskjuni ein hevur syndað ímóti um fyrigeving.

Jóh. 3:3

Jesus svaraði honum: ”Sanniliga, sanniliga, sigi Eg tær: Verður ein ikki føddur av nýggjum,

kann hann ikki síggja ríki Guds.”

7.

Tá ið vit taka ímóti Jesus, sum okkara frelsara, og verða

fødd av nýggjum, verða vit Guds børn. Gud kemur inn í

hjørtu okkara við Heilaga Andanum. Heilagi Andin hjálpir okkum at liva sum Guds børn, og liva lív okkara eftir

hansara ætlan.

Jóh. 1:12

”Men so mongum sum tóku ímóti Honum, gav Hann

 mátt at verða børn Guds – eimum, ið trúgva á navn

 Hansara”

2. Kor. 5:5

”Tann, ið hevur gjørt okkum før júst fyri hesum, er Gud,

Hann, sum eisini gav okkum Andan til pant”.

8.

Men er tað eingin annar vegur sum førir til frelsu? Bíblian sigur okkum at Jesus er einasti frelsari.

Jóh. 14:6

Jesus svaraði honum: ”Eg eri vegurin, sannleikin og

lívið; eingin kemur til Faðirin uttan við Mær”.

Bíblian sigur eisini, at sjálvt um tað eru nógv stór nøvn í søguni, so er tað bert eittans navn, navnið Jesus, sum

leiðir menniskjuni frá synd til frelsu.

Ap. 4:12

”Og frelsa er ikki í nøkrum øðrum; heldur ikki er nakað

annað navn undir himli, givið millum menniskju, sum

vit skulu verða frelst við.”

9.

Frelsan, sum Gud gevur okkum, tá ið vit taka ímóti Jesus Kristus, sum okkara Frelsara, er ein frelsa bert givin av

náði, av Guds kærleika til okkum. Tað er ein gáva vit

kunnu taka ímóti, uttan at gera nakað sum helst, sum

at biðja langar bønir og annað. Vit kunnu koma akkurát

sum vit eru.

Efes. 2:8-10

Tí av náði eru tit frelst, við trúgv – og tað ikki av tykkum sjálvum, tað er gáva Guds, ikki av verkum – fyri at eingin

skal rósa sær. Tí vit eru smíð Hansara, skapt í Kristi

Jesusi til góð verk, sum Gud frammanundan hevur lagt

til reiðar, at vit skuldu liva í teimum.

10.

Tá ið tú hevur gjørt tað sum omanfyri er skrivað, er tað

gott um tú fortelur familju tíni, vinum, og vinum tínum í skúlanum, ella á arbeiði, ella hvar tú enn ert, at tú ert

frelstur. Hetta verður gjørt til Guds æru, og ríki hansara veksur, og tú fært ein innari frið og gleði, tí tú ert Guds

barn. Les eisini í Bíbliuni og lær Jesus betri at kenna!

Róm. 10:9-10

”Tí um tú við munninum játtar Jesus sum Harra og trýrt í hjartanum, at Gud reisti Hann upp frá hinum deyðu, so

skalt tú verða frelstur. Tí við hjartanum trýr ein – til

rættvísi; og við munninum játtar ein – til frelsu.

Bið hesa bønina

”Góði Gud. Takk fyri at tú hevur fyrigivið mær syndir

mínar. Takk fyri at tú tekur ímóti mær sum títt barn. Takk

góði Jesus fyri at tú doyði á krossinum fyri syndir mínar.

Takk Heilagi Andi at tú býrt í hjarta mínum, og hjálpir

mær at liva sum ein kristin. Hjálp mær og gev mær mót

at fortelja øðrum at eg eri blivin frelstur.

Í Jesu navn, amen”.

Faðirvár

Faðir vár, Tú, sum ert í Himli. Heilagt verði navn Títt.

Komi ríki Títt. Verði vilji Tín, sum í Himli, so á jørð. Gev

okkum í dag okkara dagliga breyð. Og fyrigev okkum

syndir okkara, so sum vit eisini fyrigeva teimum, ið móti okkum synda. Leið okkum ikki í freistingar, men frels

okkum frá tí illa. Tí títt er Ríkið og valdið, Tín er heiðurin,

í allar ævir. Amen.

Tá tú er blivin kristin, hevur tað nógv at siga, at tú finnur

eina kristna kirkju hvar tú hevur felagsskap við onnur trúgvandi. Finn ein felagsskap hvar Jesus er mittpunktið,

og hvar tú hevur møguleika at liva eitt kristið lív í gerandisdegnum.